" സംഭവം സിമ്പിള്ണെന്ന് വിചാരിക്കണ്ടാ ട്ടാ...ന്തൂട്ടാ ഈ പറേണെ..ദെ..ദിങ്ങ്ട് നോക്ക്യേ..ഇത് ആനെണ്...ആന..!! മനക്കില് തമ്പ്രാന്റെല് കാശുണ്ടെങ്കി അയാക്ക് ആനേനേം പൂചേനെ ഒക്കെ വാങ്ങാം..ന്നാ ച്ചാ..അയിനെ കൊണ്ട് നടക്കനെങ്കില് കമ്മുട്ടീനെ പോലെ ള്ള ആങ്കുട്ട്യോള് വേണം..ഹ് .. കമ്മുട്ട്യോടാ കളി..! അയാള് തമ്പ്രാനാണെങ്കി..ന്റെ തമ്പ്രാന്‍ ഞാനാ..ന്തേ....ഏത്...ങ്ങക്ക് മനസിലായാ.." ഇത്രേം പറഞ്ഞിട്ട് വലിച്ചുവച്ചു ഒരു നടപ്പാ...മനക്കലേക്ക് ..അവിടെ ചെന്നാല്‍ ഇത്രേം നേരം കണ്ട ആളെ ആവില്ല..തല ചൊറിഞ്ഞു ഒരു നില്‍പ്പാ...ഉടുത്തിരിയ്ക്കുന്ന കൈലി ഗള്‍ഫില്‍നിന്നു എന്നോ നാട്ടിലേയ്ക്കും പിന്നീട് ടിയാന്റെ അരയിലും വന്നുകേറിയതാണ് ..അത് ചുരുണ്ട് ചുരുണ്ട് ഇപ്പോ മുട്ടോളം എത്തിയിട്ടുണ്ട്..അതും പോരാഞ്ഞു ആ മാരണം അത് മടക്കികുത്തുകയും കൂടി ചെയ്താലോ..! യൂനിഫോo ആയിട്ട് എന്നും കാണപ്പെടുന്ന ചോപ്പ് നിക്കര്‍ പുറത്തു പ്രദര്‍ശനം നടത്തിയല്ലാത്ത കംമുട്ടിയെ ആരും കണ്ടിട്ടില്ല..ഇനി മനക്കില് ചെന്ന് ആകാവുന്ന അത്ര ഭവ്യതയോടെ തല ചൊറിഞ്ഞു നിക്കുന്ന കമ്മുട്യോട് ഉടമസ്ഥന്‍ ചോദിയ്ക്കും...
" ന്താ കമ്മുട്യെ..."
അത് പ്പോ തമ്പുരാനെ.....പൂരാണ്...കയ്യില് കാലണ ഇല്ലാണ്ട് ഞാന്‍ എങ്ങനാ.." "..ഊം...ന്നിട്ട് വേണം അയിനു മുഴുവന്‍ കുടിച്ചിട്ട് ഇബടെ വന്നു പൂരപ്പാട്ട് നടത്താന്‍ ല്ലേ...

" ഏയ്..അത് അന്ന് അങ്ങനൊരു അബദ്ധം പറ്റീന്ന് വച്ചിട്ട്..ഏയ്‌...ഇനി ഇല്യ.."

കാശും വാങ്ങി നേരെ നടക്കും, തങ്കേച്ചി ടെ ലോക്കല്‍ ബെവരേജിലെയ്ക്ക്..
എന്നിട്ട് ആനേം കൊണ്ട് ഒരു കസര്‍ത്താണ് ..സെന്ററില് .
ഇടത്വാനെ...
ഇങ്ങട്...
വലത്താനേ...
..ബടെ നിന്നോ ഇയ്യ്...ഇല്ലേ..ചവിട്ടികൂട്ട്യാളയും...ഹും..ഇനിയ്ക്ക് അന്നേ നോക്കീട്ടു വേണ്ട ട്ടാ കഴിയാന്‍..

തുടര്‍ന്ന് പൂരപറമ്പ് ലക്‌ഷ്യം വച്ചുള്ള ആനയുടെ സഹന യാത്ര തുടങ്ങായി..
ഷാപ്പായ ഷാപ്പെല്ലാം കയറി ഇറങ്ങി..നിരങ്ങി...
എല്ലാം സഹിയ്ക്കാം..ഷാപ്പിന്റെ വാതുക്കല്‍ വച്ച് കാരവടിയോ തോട്ടിയോ ആനയുടെ കാലില്‍ ചാരി വച്ച് ഒരു പ്രഭാഷണം ഉണ്ട്..
" മര്യായിയ്ക്ക്...മര്യായിയ്ക്ക് ആണെങ്കി മാത്രം ന്റെ കൂടെ വന്നാല്‍ മതി..കംമുട്ടി കുടിയ്ക്കും...അത് ചോയിയ്ക്കാന്‍ ഇയ്യോ അന്റെ തമ്പ്രാനോ ആയിട്ടില്യാ..മനസിലായോ...ഈ കോലെങ്ങാനും താഴെ ഇട്ടാ..പൊന്നു മോനെ ..ശിവാ...പിന്നെ ആന ണ് ന്നു പറഞ്ഞിട്ട് നടക്കാന്‍ നീയുണ്ടാവില്യ.. ഏത്..ഏ.."
##### ##### #####
കാലം കുറെ ഇത് സഹിച്ച ആന ..ഒരൂസം ഷാപ്പെതിയപ്പോ തന്നെ നിന്നു...കാരക്കോല് കമ്മുട്ടീടെ കാലില്‍ ചാരി വച്ച് ഇങ്ങനെ മൊഴിഞ്ഞു...
" ഇബടെ നിക്ക് കമ്മുട്യെ...ഇത്തിരി കള്‍സ് അടിച്ചുട്ട് അപ്പേടെ മുത്ത്‌ ദേ പ്പോ വരാ ട്ടാ.."

അനങ്ങ്യാ...കൊന്നാ കളയും ഞാന്‍.."

************************************************************************************

ഇത് ഞങ്ങടെ നാട്ടിലെ കമ്മുട്ടി...( പേര് ഒരല്‍പം മാ റ്റീ ട്ട് ണ്ട് ഞാന്‍..ഇല്ലെങ്കില് അടുത്ത കൊല്ലം നാട്ടീ പൂവാന്‍ പറ്റില്ല ഗെടി..ഫോട്ടോ അങ്ങേരുടെ അല്ലാ ട്ടാ )