ഭൂപടത്തില്‍ ഇല്ലാത്ത ഇടങ്ങള്‍...

ഇറാക്കിലെ അമേരിക്കന്‍ അധിനിവേശത്തെ എതിര്ക്കാനായി ഇങ്ങു നമ്മുടെ കൊച്ചുകേരളത്തിലെ ഒരു പാവം പഞ്ചായത്ത്മെമ്പര്‍ പണ്ടൊരു പ്രതിഷേധ പ്രമേയം ഭരണ സമിതിയില്‍ വച്ച കഥ പലരും പറഞ്ഞു കേട്ടിട്ടുണ്ടാകും അല്ലെ.. ആ നല്ല മനുഷ്യനെ കളിയാക്കാന്‍ ഒന്നുമില്ലയെന്നാ എനിയ്ക്ക് തോനുന്നെ..ഇതല്ലാതെ വേറെ എന്ത് ചെയ്യാനാവും ആ മനുഷ്യ സ്നേഹിയ്ക്ക്..? ഇപ്പോള്‍ ഞാന്‍ ചെയ്യുന്നതും , ഇതിനുമുന്പ്് പലവട്ടം ചെയ്തിട്ടുള്ളതുമായ പോസ്റ്റുകള്‍ പലതും ഇതേ അവസ്ഥയില്‍ തന്നെയല്ലേ...!

വംശീയ ഉന്മൂലനം ശ്രീലങ്കയിലോ ജര്മനിയിലോ ആഫ്രിക്കയിലോ മാത്രം നടക്കുന്ന തമാശയല്ലായെന്നു ചരിത്രബോധമുള്ള ഏതൊരാള്ക്കും മനസിലാക്കാവുന്ന കാര്യമാണ്. ചരിത്രത്തില്‍ ഒത്തിരി തവണ ആവര്ത്തി ച്ചിട്ടുള്ള കറുത്ത ഹാസ്യം ഇപ്പോഴും നിര്ബാധം തുടരുകയാണല്ലോ..കഥ തുടരുക തന്നെ ചെയ്യും..!

വര്ഷ്ങ്ങള്ക്കു മുന്പ്, മഞ്ഞുപുതച്ച പൂക്കളുടെ താഴ്വരയില്‍ നിന്ന് ആട്ടിയിറക്കപെടുകയോ കൂട്ടത്തോടെ കൊലചെയ്യപെടുകയോ ചെയ്ത – ഇന്ത്യന്‍ സൌന്ദര്യശാസ്ത്രത്തിന്റെ പതാകവാഹകരായിരുന്ന അഭിനവ ഗുപ്തന്റെയും , കുന്തകന്റെയും ഒക്കെ പിന്തുടര്ച്ച അവകാശപെടുന്ന കാശ്മീരി പണ്ഡിറ്റ്‌കള്‍ ....!!

ചരിത്രത്തില്‍ പലവട്ടം തകര്ക്കപെട്ട ജൂതവംശത്തിനു പാര്ക്കാനൊരിടം നല്കി്യാതിനാല്‍ ചരിത്രപുസ്തകത്തില്‍ മാത്രം അവശേഷിയ്ക്കാന്‍ വിധിയ്ക്കപെട്ട പാലസ്തീനിന്റെടെയും – ഗാസയുടെയും ഹതഭാഗ്യ ജന്മങ്ങള്‍..!!!

എന്നാല്‍
ഇവര്ക്ക് പുറകിലായ് , ഇറാഖിലെ മോസൂളിലെയും ഖുറാഖോഷ പട്ടണത്തിലെയും ലക്ഷകണക്കിന് ക്രിസ്ത്യാനികളുടെയും കുര്ദു- യസീദികളുടെയും ചരിത്രതാളുകളിലെയ്ക്കുള്ള നിശബ്ദമായ ആ മടക്കയാത്ര ലോക രാഷ്ട്രങ്ങളോ ഫേസ് ബുക്കികളോ കണ്ട ഭാവം നടിച്ചിട്ടില്ല.

“ ഐസിസ് സഹോദരങ്ങളെ “ പറഞ്ഞുമനസിലാക്കാന്‍ ഒരു സഖാവിനെയും കാണാനുമില്ല.

യാങ്കി പോലീസിന്റെ ‘ സമാധാനപരമായ ബോംബിങ്ങിന്റെ ‘ വര്ണണചിത്രങ്ങള്‍ മാത്രമാണ് ഇപ്പോള്‍ ഭൂതല സംപ്രേക്ഷണത്തില്‍ തെളിയുന്നുമുള്ളൂ.

കൊല്ലപെടുന്നത് ഷിയാക്കളോ സുന്നികളോ ക്രിസ്ത്യാനികളോ സ്വരാഷ്ട്ര്യയനുകളോ കുര്ദുകളോ യാസീദികളൊ.. ആകട്ടെ മനുഷ്യനെ സ്നേഹിയ്ക്കാത്ത, അവന്റെ വേദന കാണാത്ത ആരും ..ആരും യഥാര്ത്ഥ വിശ്വാസികളല്ല..മനുഷ്യര്‍ പോലുമല്ല.
മതം മറപിടിച്ച – വേട്ടനായ്ക്കള്‍ മാത്രമാണ്...

ഞാന്‍ പ്രതിഷേധിയ്ക്കുന്നു...

ഈ വേട്ടയാടലിനോട്...

ഗാസയോടു മാത്രം ഐക്യം പ്രഖ്യാപിച്ചു പുഷ്പ ചക്രവും നക്ര ബാഷ്പവും തൂകി നടക്കുന്ന എല്ലാ രാഷ്ട്രീയ- മാധ്യമ വൈതാളികന്മാരോടും..

ഏറ്റവും ഒടുവില്‍ , ഇത് കണ്ടില്ലായെന്ന് നടിച്ച സുഹൃത്തെ നിന്നോടും...